Komin heim....brún og sælleg :)

Nýjar myndir komnar inn hér til vinstri!!
Þá er vikuför okkar á Rhodos lokið, og við bara nokkuð ánægð. Veit ekki hvort er hægt að skrifa mikla ferðasögu um málið en hér kemur það sem flæðir úr skapandi huga mínum þessa stundina :)

Ferðin hófst á því að við sváfum ekki neitt þar sem flugið var kl 4:10, sem þýddi að við þurftum að leggja af stað héðan c.a 1:30. Við ákváðum því bara að vaka og sofa í flugvélinni. Þegar á völlin var komið var þar mætt samansafn hallærislega klæddra einstaklinga, og sumir gengu jafnvel svo langt í nískunni að pakka inn regn/sólhlíf!! Sem kostar um 3-4 EUR á áfangastað :) Nú svo var innritað, og þar sem við vorum mætt snemma, þá hefum við átt að geta valið úr sætum, en svo var aldeilis ekki.....skil ekki hvernig þetta virkar hérna. EN allavega, ég bað þá hróðugur um neyðarútgangssætin, og þá var það bara 20kall á mann takkfyrir, sem ég afþakkaði pent. Við komum svo um borð og þá var þetta þrengsta sætaskipan sem ég hef nokkurtíma upplifað. Við fengum sætisitthvorumegin við gang....ekki einusinni saman....ekki það að það hafi pirrað mig eitthvað sérstaklega, og viti menn neyðarsætin voru laus alla ferðina :) Maður reyndi að sofa eitthvað aðeins í þessu 3 tíma flugi, en það varð nú eitthvað lítið úr því. Við vorum svo lent á staðartíma um kl 9, og það var bara frekar heitt og fínt, þó var svalandi vindur þarna sem tók á móti okkur(vindurinn er einmitt aðalsmerki Rhodos, allavega vesturhlutans) og er þetta vinsæll áfangastaður fyrir "Windsurfing". Nú við sóttum töskur og ætluðum bara svo að finna leigubíl til að taka á hótelið, þar sem hvergi var talað um það í ferðagögnum að okkar biði rúta og fararstjóri. Sem var svo raunin, sem betur fer :) það var 60 manna rúta sem keyrði okkur svo á hótelið, sem var bara allsendis stórgott hótel. Við töldum að innifalið í herberginu væri morgunmatur, sem reyndist rétt, en það sem meira var að líka var innifalinn kvöldmatur!! Sem var bara ótrúlega fínt, við nýttum okkur það nokkrum sinnum, og bara virkilega fínn matur. Herbergið var stórfínt, þó hefði verið fínt að hafa loftkælingu, en það var nú kannski ekki svo brjálæðislega heitt. Loftkælingin virkar ekki fyrr en 1.júní. Hótelgarðurinn var svakalega fínn, en þarna, eins og annarsstaðar þar sem þjóðverjar eru í fríii, þá var ekki hægt að fá neinn bekk, þar sem þeir vakna eldsnemma, henda handklæðunum sínum á bekk, og fara svo bara inn aftur, eða hvað sem þeir gera þegar þeir eru ekki í sólbaði. Við fórum því yfirleitt bara á ströndina fyrir neðan hótelið sem var bara fín, þrátt fyrir að vera steinvöluströnd(útaf rokinu).

Þarna var mikið rok oft á tíðum, en það var bara nokkuð fínt. Maður fann það seinnihluta vikunnar, þegar fór að hlýna all ískyggilega. Nú tveim dögum eftir að við lentum, kom Begga frænka ásamt Völu frænku og Birki og hrúgu af Vatnsleysuættingjum þeirra :) Við skemmtum okkur konunglega saman, þó það sé alltaf magnað hvað er erfitt að vera í einhverjum hópum í svona ferðum :)

Í mötuneytinu voru skilti sem á stóð:
"You can eat as much as you want, but it is not allowed to take the food with you" Djöfull hafa þeir fengið að finna fyrir því hjá þessum Þjóðverjum, það hlítur að vera einhver ástæða fyrir þessu, og jú, þau okkar sem hafa unnið í ferðaþjónustu, vitum að þarna er Þjóðverjum rétt lýst.

Nú það var bara hangið á ströndinni allan daginn alla daga og farið út að borða sum kvöld. Á laugardagskvöldið fórum við öll saman á næsta pöbb með risaskjá og horfðum á Eurovision, þar sem ekki var annað hægt en að hlæja að sigursætunum......Þarna heyrði ég í fyrsta skipti framlag Azerbaijan.....sem mér þótti nú bera af í frumlegheitum og stórskemmtilegu lagi. Ísland var flott, þó ég sé nú ekki hrifin af honum Frikka, þá stóðu þau sig vel.

Svo var tekið eitt svona menningarrölt um gamlabæinn á Rhodos, og það var rosa gaman, fínar verslanir og dýr bjór.

Svo þegar við komum heim í morgun, þá var bara búið að rífa allar flísar af svölunum hjá okkur, og verið að setja nýjar!! Alveg magnaður andskoti :)

Jæja læt þetta gott í bili, hljóp létt yfir eina viku í þessu, vona að fólk hafi nennt að lesa :)

Myndir frá ferðinni koma svo inn í kvöld.

Rhodos bloggpása

Jæja þá er komið að þeirri stund þegar maður fer úr sólinni í sólina. Að vísu er nú búið að vera frekar kalt hérna síðan á fimmtudag í síðustu viku......líklega af því að hér er búið að vera svo mikið að af Íslendingum :) Herdís vinkona Soffíu kom í síðustu viku, líklegast bara með kuldan með sér, en svo kom Háskólakórinn líka, og hélt tónleika í Gethsemanekirkjunni ásamt kór UDK (Universität der Künste), en ég átti einmitt að syngja með þeim eitt frekar nútímlegt stykki......ég er núna feginn að ég lét ekki bara slag standa. Ég kíkti ásamt íslensku strákunum og við skemmtum okkur mjög vel, þetta var nokkuð vel sungið, þó hefði maður viljað heyra kraftmeiri söng á tíðum, sérstaklega miðað við hvað voru margir í kórnum. En í þau fáu skipti sem ég hef heyrt í HÍ kórnum hefur hann hangið í tónunum og yfirleitt ekki verið neitt til að hrópa húrra fyrir.....EN í þetta skipti var allt annað uppi á tengingum, og erfiðustu kórverk hljómuðu bara stórvel. Ég heillaðist fljótt af undradjúpum bassahljóm sem virtist eiga upptök sín hjá einum manni í kórnum, þvímiður fékk hann ekki njóta sín mjög mikið :) Nú eftir tónleikana sem voru haldnir í tilefni 50 ára afmælis Elísabetar, sem er kantor kirkjunnar og um leið kantor stærstu og vinsælustu sóknarinnar hérna í Berlín, að sögn Hilmars, var okkur boðið í létta veislu. Við vorum orðin sársvöng og skelltum okkur því fyrst á Mexikanskan stað rétt við kirkjuna, eftir að hafa borðað fórum við í þessa móttöku, og þar voru sungin nokkur lög. Afmælisbarnið bað sérstaklega um að "Tenórinn" myndi syngja Rósina, sem hún heyrði á Íslensku tónleikunum um daginn, og hann varð að sjálfsögðu við þeirri ósk, Hilmar lék undir. Hún var alveg yfir sig ánægð og faðmaði mig og kyssti, svo bað hún mig um nafnspjaldið mitt............!!! Sem ég á ekki, og benti bara á Hilmar, hann er með allar upplýsingar um mig. Ég hugsa þó að ég reyni að hafa samaband við hana, eða allavega koma á hana einhverjum upplýsingum, því þetta er ekki slæmt tækifæri að fá að syngja í þessari kirkju, því hún er nánast alltaf full.

Ég dreif allavega í því að útbúa nafnspjald, því maður verður víst að hafa slíkt hér í landi skrifræðis og pappírs. Nú og ekki er verra að ég er nýbúinn að endurhanna heimasíðuna mína, til að vera einfaldari og aðeins fallegri en sú gamla.



Nyja heimasíðan mín er að sjálfsögðu:

www.egillpalsson.com

og nýja nafnspjaldið mitt má sjá hér að neðan:

Það væri að sjálfsögðu gaman að heyra hvað fólki finnst um.

Allavega þangaðtil næsta föstudag, bis später und bis bald

Aftur klikkar það...

Helgin er búin að vera með eindæmum góð......fyrsta rigningin í 3 eða 4 vikur. Það var nú kærkomið fyrir gróðurinn....svo er nú allt í lagi þegar rignir lóðrétt og hitastigið fer ekki mikið undir 19°C á meðan :)

Ég sagði frá því í síðustu færslu að mér hefði boðist að syngja einsöng með kór þann 20.maí nk, en ég hef nú hætt við það, og ástæðan er einföld: Ég fékk nóturnar í gærkvöldi! Fyrir það fyrsta, og þegar ég var búinn að eyða talsverðum tíma í að lesa þetta fram og til baka og skanna inn í tölvuna til að fá betri heildarmynd, sá ég að ég myndi aldrei ná að gera þetta eins vel og hægt er á aðeins 1 og hálfum degi, ég lét því tónleikahaldara vita að ég myndi þvímiður ekki taka þetta að mér. Þetta er svona stórt verk fyrir hljómsveit, kór og einsöngvara, og er í nútímalegri kantinum, sem er alltaf erfiðara að syngja, hvað þá að lesa af blaði sem er nánast það sem ég hefði þurft að gera. Ég er allavega sáttur við ákvörðunina, að auki hefðu þeir átt að reyna að koma nótunum á mig á föstudaginn, þegar ég sagðist mundi íhuga þetta, allavega þá hefði ég geti reynt að læra það!! Ég held bara að þetta með söngin séu svona "labour pains", það koma alltaf nokkur töpuð færi, en það er bara til að undirbúa stóru og flottu færin sem bíða eftir að maður verði tilbúinn :)

Soffía og Herdís skemmtu sér hið besta um helgina, og ekki annað að skilja en að helgin hafi bara verið góð. Ég rifjaði upp gamla tölvuleikjatakta um helgina þegar ég hélt áfram að spila leikinn Gears of War, sem er vægast sagt einn af þeim betri sem ég hef spilað lengi í þessum svokölluðu "shooter" leikjum. Nú svo var horft á nýjustu mynd Will Ferrel, "Semi-Pro", hún er vægast sagt EKKI góð, og ég vara fólk við að horfa á hana.

Annars gengur allt hér bara sinn vana gang, og ég á leið í söngtíma núna í morgunsárið. Já þetta er svo sannarlega lífið.

Já og aftur já detti mér allar.......

Þá fer vikunni að ljúka og óðum styttist í Rhodosferð okkar hér á Kurfürstenstrasse 75. Ekki það að tilhlökkunin sé nálægt því eins mikil og þegar maður er allt árið í kulda og rigningu :) Hér er bara búið að vera svo svakalega gott veður að maður hugsar eiginlega ekkert út í það að fara til heitari landa.

Nú ýmislegt er að gerast í söngnum hjá kallinum, og þar ber kannski fyrst að nefna það að óperunámskeið sem ég sótti um í sumar var samþykkt og ég er því á leið til Lofer í Austurríki 28.júní nk til að syngja ansi erfitt hlutverk, en ég get það vel :) Nú svo fékk ég símtal í gær frá yfirmanni leiklistardeildar Hans Eisler, þar sem mér var boðið að syngja Alfred í Die Fledermaus, en þvímiður setur Rhodosferðin strik í reikninginn þar, þannig að ég þurfti að hafna því. Og svo fékk ég annað símtal sama dag, þar sem Hilmar var að segja mér að tónleikahaldarar í Gethsemanekirkjunni eiga von á Háskólakórnum og auk þeirr mun kammerkór kirkjunnar syngja. Þetta er eitthvað verk sem ég þekki ekki, og mér skilst að þetta sé flutt þann 20.maí, ég sagði að ég myndi að sjálfsögðu vilja skoða það og fá að skoða nóturnar allavega áður en ég samþykki eitthvað. Þetta er náttúrulega svolítið "last minute", en svona er það nú bara, bjóst ekki við neinu öðru. Svona virkar líka bara þessi bransi, maður verður að vera tilbúinn að stökkva inn með litlum fyrirvara.......þannig urðu allavega þessir stærstu og flottustu frægir :)

Annars er Soffía bara farin að taka á móti vinkonu sinni sem er að koma hérna yfir helgina, og búin að baka og gera allt fínt. Ég er að fara hendast á æfingu á morgun, hjá Eddy, pianóleikaranum sem reddaði mér Wagner gigginu um daginn. Hann er svakalega fínn og vill allt fyrir mann gera. Við ætlum að að renna yfir nóturnar af þessu kirkjudæmi, sem ég verð vonandi búinn að fá afrit af fyrir morgundaginn. Eins yfir hluta af "I Pagliacci", sem ég syng hluta af í sumar í Lofer, og svo líklega Florestan úr Fidelio. Allt er þetta nú eitthvað sem ég mun kannski ekki syngja á sviði strax, en það er þess virði að læra það, því þegar að því kemur, þá verð ég tilbúinn.

Ég set svo hérna lítið myndband frá síðustu helgi, þar sem ég var að syngja.
Þetta er Ideale eftir Tosti, eitt af mínum uppáhalds.

Löng helgi....en skemmtileg

Þá er langri og skemmtilegri helgi lokið, margt hefur verið gert.

Fyrst ber að nefna að tónleikar voru haldnir í Gristow, þrátt fyrir fjarveru Dísu, það var leiðinlegt að hafa hana ekki með í þessu eins og upphaflega var áætlað, en hvað getur maður gert. Þó var alls ekki síðra að fá með okkur í lið hana Eygló Dóru fiðlusnilling, sem gerði sér nú lítið fyrir og las þetta allt af blaði. Tónleikarnir fengu flott þjóðlegt yfirbragð og fólk var alveg svakalega ánægt með þetta alltsaman. Eins vorum við sem tókum þátt í þessu alveg í skýjunum með móttökurnar og hvernig þetta gekk alltsaman. Fengum fulla kirkju, og mikið lof, ekki slæmt föstudagsverk það. Svo héldum við heim á leið með frekar ömurlegri lest. Þá lærði ég soldið nýtt um lestarnar hérna. Ef maður er að fara í langferð hérna í þýskalandi á maður að forðast REI lestarnar en taka frekar ICE lestarnar, þar sem þær fara mun hraðar og stoppa sjaldnar. Nú ætlunin var að halda aðeins upp á þetta þegar við kæmum til baka til Berlínar, og ekki bara þetta heldur átti Hilmar afmæli, þannig að það var tvöfallt celebration. EN, þegar til Berlínar var komið vorum við Soffía alveg búin og fórum heim á leið í staðin, ég varð að halda uppi styrk til að syngja líka á sunnudeginum. Laugardagurinn kom og maður notaði hann til að hvíla sig fyrst og fremst, kannski aðeins að æfa sig líka :) Um kvöldið grilluðum við Soffía hérna fyrir utan með litlu einnota grilli, kjötið var ekkert spes, þó ég taldi mig nú hafa valið góðan bita. Ég skellti mér svo með Íslendingunum í bíó, þar sáum við "Iron Man", sem var bara alveg ágæt, þó ég hefði nú verið til í meiri hasar.

Sunnudagur rann upp með blóm í haga og umtalsverðum hita, þegar við lögðum af stað á tónleikana var um 27°C, og ég í svörtum jakkafötum! Það var nú samt bara í fínu lagi, og við lentum á U-bahnstöðinni á Gneisenaustrasse um kl 15:45, en þá lentum við aldeilis í veseni, það var einhver svakaleg götuhátíð í gangi og við lokuðumst nánast inni á einum tímapunkti. En við náðum að brjótast í gegn og komumst á tónleikastað um 10 fyrir 16. Ég frétti þá að ég væri fyrsta atriði eftir hlé, og því gat ég slakað aðeins á í rúman klukkutíma. Svo var komið að stóru stundinni og mér tókst bara nokkuð vel til, ég á þó eftir að skoða videóið af þessu, en ef það er sýnanlegt hendi ég því inn á youtube við tækifæri. Ég fékk allavega svakalega góða dóma frá viðstöddum, og ég get ekki annað en verið ánægður með það. Eftir þetta var svo haldið á Mexíkanskan stað við hliðina og þar var borðað, eftir að hafa þurft að bíða í rúman klukkutíma eftir matnum! Mér finnst alltaf svo hallærislegt þegar þjónustufólk afsakar sig með því að fara í vörn og segja að það sé bara svo mikið að gera! (þá á ég við á dónalegan hátt, það getur auðvitað verið mikið að gera, og það er hægt að útskýra það kurteysislega).

Eftir matinn fór Soffía mín heim á leið, dauðuppgefin en við sem ennþá höfðum orku skelltum okkur á "A-Train" sem er mjög frægur Jazz bar hérna í borg og horfðum á Jason Moran og "the bandwagon", það er langt síðan maður hefur séð eitthvað jafn magnað. Samstillingin og tónlistinn sem þessir menn náðu að framkvæma var með ólíkindum, þá stóð trommuleikari bandsins uppúr að mínu mati, og var kvöldið í alla staði vel heppnað.

Komnar eru inn nýjar myndir, og glænýtt videó, sem sjá má hér að neðan.

Ekki skal það auðvelt

Já það styttist nú óðum í fyrstu opinberu tónleika tenórsins á erlendri grundu. Ekki ætlar það þó að ganga alveg þrautarlaust fyrir sig :) Dísa sópran, sem ætlaði að syngja þetta með okkur, og við vorum búin að skipta prógramminum bróðurlega á milli okkar, hefur tekið upp á því að verða bara alvega fárveik og varla talandi í kjölfarið, hvað þá syngjandi. Þannig að það er útlit fyrir að tenórinn syngj þessa tónleika einn, og Hilmar framkvæmir þá eflaust einhvern gjörning á orgelið í staðinn. Auk þess þarf ég nú líklegast að bæta við mig nokkrum lögum líka. Þó er Hilmar að ræða við aðra sópran söngkonu um hugsanlega þáttöku, það væri bara flott er hægt væri, en ég geri mér ekki vonir, þar sem tónleikarnir eru jú á föstudag.

Nú í gær hringdi Hilmar í mig um kl 13, og sagði mér að við værum að fara syngja í heimahúsi hérna í bæ kl 20. Þetta kom nokkuð flatt upp á mig, en ég henti mér af stað kl 17:30 og var komin frekar snemma og þá náðist ekki í Hilmar. Þannig að ég settist bara í sólina, og fékk mér að borða á meðan ég lærði texta fyrir tónleikana sem ég er að syngja á á sunnudag. Það var mjög fín og nauðsynleg stund. Svo heyrði ég frá Hilmari, þá var hann að ljósrita einhversstaðar úti í bæ, með Hrólfi Sæmundssyni, baritónsöngvara, sem ætlaði víst að syngja með okkur á þessum heimahústónleikum. Allt gekk stórvel fyrir sig og við komumst stóráfallalaust frá þessu. Hrólf þekki ég lítillega frá samvinnu okkar síðasta sumar, alveg ótrúlega falleg og heilsteypt rödd.

Í kvöld er svo "generalinn" á tónleikunum okkar í Hans Eisler, Hrólfur ætlar að mæta á svæðið og syngja með mér, það verður nú bara gaman. Ég er svo búinn að vera í sambandi við þá Nordischer Klan menn, og hér á bæ er ekki enn búið að taka ákvarðanir um ferðamáta, þó mér finnist nú lestin koma mjög sterklega til greina, þar sem bílaleigubíll yrði allt of dýr, fyrir mig, þ.e, þar sem ég þyrfti líklega að borga hann og get ekki treyst á að fá bæði bensín og leigu greidda að fullu. EN þetta kemur í ljós.

"..and worst of all, like the crowning turd in the water pipe"[Lord Melchett, Blackadder], þá er ég kominn með eitthvað tak í bakið......hef svosem fengið þetta áður og er mjög óþægilegt, en það kemur ekki í veg fyrir að ég geti sungið, sem betur fer.

Hitinn hækkar og hækkar, og ekki annað hægt að segja en að maður sé hægt og rólega að fá smá lit í kinnarnar :)

Grillen, gegrillen

Í gær var MasterClass David Jones og Janet Williams, þar sem undirritaður söng við mikinn fögnuð viðstaddra :) Þetta var sem fyrr mjög fróðlegt og skemmtilegt, en þetta var mjög langur dagur. Hófst kl 8:30 þegar ég reif mig á fætur til að byrja að undirbúa daginn, en ég söng 2 aríur í gær. Og fyrir þá sem ekki vita hvað masterclass er eða hvernig það fer fram, þá er það í grunninn þannig að fólk sem vill sýna sig og fá kennslu um leið fær að syngja eitthvað fyrir salinn og svo situr "masterinn" og leiðbeinir hvað má betur fara og hvernig er hægt að gera betur osfrv. Maður lærir mjög mikið við þessu tækifæri, þar sem maður þarf bæði að syngja og einbeita sér að tækni á sama tíma. Að loknum masterclassanum þurfti David að halda til Lundúna, þar sem hann er að kenna í dag og á morgun, og svo kemur hann aftur hingað til Berlínar á morgun, og gistir eina nótt áður en hann fer til USA. Við sem eftir vorum kíktum á kaffihús þar sem var drukkið og spjallað fram eftir nóttu. Eða réttara sagt við vorum rekin út um kl 00:00, og þá fórum við á annan stað þar sem við vorum til kl 3, þá tók ég leigubíl heim, og vaknaði svo "endurnærður" til að fara vinna í morgun. Ég er lítið búinn að vera heima hjá mér síðustu vikuna, sem er soldið skemmtilegt, en ferlega þreytandi til lengdar, en hvað gerir maður ekki til að kynnast fólki í bransanum og brjóta upp daginn? Á laugardaginn var mér boðið heim til konu sem var hérna einusinni mjög stór mezzósópran hér í landi, hún kennir við Hans Eisler háskólann hérna í Berlín, svakalega fín kelling. Ég staldraði stutt við því ég eiginlega nennti þessu ekki, en þetta var bara svakalega fínt. Ég var eiginlega búinn að taka þá ákvörðun að fara ekki og var búinn að finna fína afsökun. Við Soffía ætluðum svo að fara og eyða deginum niðri í bæ, en ég eyðilagði það. Við fórum reyndar niður í bæ og versluðum smá sumarfatnað og fengum okkur að borða, EN það hefði nú verið gaman að eyða meiri tíma með SJ, þar sem við erum ekki mikið búin að sjást þessa vikuna, en ég valdi það að vinna frekar í "networking", því það er bara svo hrikalega mikilvægt, sérstaklega núna fyrst, þegar ég er að reyna að koma mér af stað.

Dagurinn í dag er svo barasta búinn að vera fínn, mikil sól og 25 stiga hiti núna í kvöldsárið. Ekki amalegt það. Maður er bara ekki vanur svonalöguðu. Það er reyndar búið að vera frekar "leiðinlegt" veður hérna síðustu daga, 15-17 gráður, skýjað, rigning osfrv. En við höfum það bara mjög gott þrátt fyir það.

Nú styttist óðum í tónleikana í Gristow, og er generalinn fyrir það núna á miðvikudag, og ég sit sveittur í sólinni að reyna að læra alla texta fyrir þann tíma. Vegna vinnu fyrripart dags, hef ég ekki getað einbeitt mér eins að lærdómi eins og ég hefði viljað, en það er kominn tími til að spýta í lófana og fara taka sig á!!

Ég var búinn að frétta það að það mætti ekki grilla utandyra hérna í Berlín, og það er í raun ekki mikið um það að fólk sé að grilla hérna almennt. En svo spurðist ég aðeins fyrir, og viti menn, það er víst allur gangur á því. Maður þarf bara að hringja í "burgeramt" sem er svona sveitastjórnarskirfstofa hérna og spyrja, því það er víst mismunandi milli svæða hvort þetta sé leyft eða ekki! Jæja, ég spurði svo nágrana minn hvort þetta væri í lagi, og hann sagðist allavega grilla þegar honum sýndist, og hann hélt það væri í góðu lagi, þannig að við fáum okkur þá kannski eitthvað lítið grill á næstu dögum :)

Meira var það ekki í bili.

Bloggi blogg blogg

Þá er mjög annasamri og skemmtilegri viku að ljúka.

Fyrst ber kannski að taka fram að, sem fyrr, er David Jones algjörlega búinn að ná að bjarga mér, og í þetta skipti held ég að honum hafi tekist að láta mig fá síðasta púslið í spilið. Nú líður mér allavega eins og ég geti nánast gert það sem mig langar með röddinni. EN það vantar náttúrulega ennþá upp á á ýmsum öðrum sviðum, það er nefnilega ekki alltaf nóg að vera með góða rödd, eða svo er manni sagt :)

Ég er búinn að kíkja 2svar á veitinga stað með David, ásamt, fleirum, og það var mikil skemmtun sem fyrr. Kallinn er í fullu fjöri þrátt fyrir að kenna 8 tíma á dag, og fljúga fram og til baka um alla Evrópu, og hann á bara ár í 60. Vona að maður verði svona hress á þeim aldri.

Ég er allavega búinn að vera mjög duglegur í ræktinni og í mataræðinu, þó það sé einhverrahlutavegna ekki að skila sér af vigtinni. En ég gefst ekki upp.

Veðrið hérna er nú bara búið að vera með ólíkindum, m.v það sem maður er vanur allavega. 15-22 stiga hiti á hverjum degi. Mér líður bara eins og ég sé loksins komin heim :)

Við tekur svo að læra læra læra texta fyrir næstu viku, því þá eru tónleikarnir í Gristow sem ég hef áður sagt frá. Og svo á sunnudeginum eru enn aðrir tónleikar, þar sem nemendur Janet stíga á stokk og syngja nokkur vel valin lög. Mikið að gera og ekkert nema stórgott um það að segja. Svo styttist óðum í Rhodosferð nokkra sem var tekin ákvörðun um að fara í þegar Evran var aðeins 95.kr. Sú ferð hefur heldurbetur bætt á sig síðan þá og í raun lítið hægt að gera í því núna. Ég tók nefnilega eftir því að þeir eru búnir að rukka alla ferðina á VISA kortið mitt, og því er of seint að hætta við :) Íslandsferð er í pípunum, en verðlagið á fluginu er slíkt og þvílíkt að það hálfa væri nóg. En meira um það síðar.

Ég læt þetta gott að sinni. Bis bald