í Sól og sumari..

Ekki nóg með það að við séum að fara í páskaferð niður til Ítalíu (já það er búið að ákveða það), þá erum við einnig búin að panta okkur ferð til Rhodos í maí, þar sem stendur til að hitta súperfrænku Beggu og hennar föruneyti :) Voða fínt að vera búinn að ganga frá þessu. Þetta verður líklegast bara sumarfríið mitt í sumar, þó maður þurfi nú varla að fara langt til að vera hér í sumar og sól allt sumarið, sem verður vissulega svolítið öðruvísi.

Nú við erum að hugsa um að fara skrá okkur í líkamsræktarstöð sem er hérna ekki langt frá, það er um 29 EUR á mánuði, en þá má maður mæta hvernær sem er fyrir kl 13 á daginn, sem er alveg fínt fyrir mig, því ég er ekki kvöld workout maður, og hef aldrei verið. Þetta verður líka ótrúleg fjölbreytni fyrir mig, þar sem ég er heima allan daginn að vinna og maður er að verða svolítið leiður á að fara ekki almennilega í gang. Heima gat maður stuðað sig í gang með því að keyra í ruglinu sem þar fyrirfinnst, en hérna er þetta svo miklu rólegra eitthvað að maður veit ekki alveg hvernig maður á að haga sér!!

Helgin fór í að hjóla alveg gífurlega mikið, á föstudaginn eftir vinnu, skellti ég mér í heimsókn til Gunnars og frúar, sem búa í um 20mín hjólafjarlægð frá okkur, mjög vel staðsett, og eru nálægt Bergmannstrasse, sem er mjög flott og lifandi veitingahúsagata hér í Berlín. Þau búa á efstu hæð með útsýni á Sjónvarpstunrinn og einnig sést glitta í Berliner Dom. Verð að viðurkenna að þó það séu margir kostir sem fylgja því að búa á fyrstu hæð er margt til að öfundast út í þá sem búa á efstu hæðunum. Rólegheit í öllum herbergjum, gott útsýni osfrv. En svona er það bara, er ekki alltaf grasið grænna annarsstaðar? Nú við fórum svo öll út að borða um kvöldið á Mexikanska staðinn Cancún hérna á Mantauffelstrasse, sem er ekki ýkja langt frá Kurfürsten.

Hér er náttúrulega verkfall lestarstjóra næstu 10 daga, náist ekki að semja, og því hefur verið algert helvíti að ferðast hér um, þó ganga einhverjar lestar og við nýttum okkur það með því að fara í smá miðbæjarferð, svo var hjólað heim sem var um 45 mín ferð. Fín hreyfing þennan daginn og ekki laust við að maður kæmi samt endurnærður heim eftir þetta. Soffía reyndar alveg dauð, því hún hjólar almennt mjög mikið til og frá skóla, en fyrir mér var þetta algert afrek :)

Svo á sunnudeginum var farið í léttan hjólatúr að flottum garði hér í nánd, og þar þurfi að labba þar sem hjól eru bönnuð. Það kostaði 2 EUR í garðinn og ekki laust við að hann sé ansi flottur, gaman verður að kíkja þangað í sumar. Svo var farið á hinn steikar staðinn hérna nálægt og ég henti mér á dýrindis kengúrusteik, og Soffía fékk sér eitthvað 120gr smádót með kartöflu.

"Tilraunaeldhús Egils - matur fyrir hugsandi fólk"
Þetta var prufað á síðasta fimmtudag:

Hollustu karrí Egils:
Kjúklingabringur (skornar í teninga)
Hvítlaukur
Engifer
Eðalkarrí
Kanill
Negull
Kókosfeiti
Laukur
Paprika
Jógúrt 1,5%
Sýrður rjómi
Stevia (eða sykur)

Meðlæti:
Hvítlaukssteikt brokkolí
Brokkolí
hvítlaukur
salt og pipar

Hita pönnu með kókosolíu, steikja á henni örstutt puréaðan eða smáttskorinn hvítlauk, lauk og engifer. Henda kjúkling saman við eftir 1-2 mín, og láta léttbrúnast. Þvínæst hella samanvið papriku, og öðrui því grænmeti sem hugurinn girnist (ekki samt brokkolí, því það stelur bragði), hérn væri svo tilvalið a setja saman við kjúklingakrafti eða kjötkrafti, en ég gerði það ekki. Ég setti bara vatn, svo má henda saman við þetta karrí, bara góðum slatta, svo kanil og negul. Bara smakka þetta til. Eftir svona 10 mín, hella saman við jógúrt 0,5.ltr og 1-2 msk sýrðum og Stevía, bara rétt hnífsodd, eða 1 msk sykur. Láta helst malla í 30 mín.
Setja brokkolí í matvinnsluvél, og mauka það, ekki alveg í puré, en bara þangað til fínt sxað. Svo setja puréaðan hvítlauk og engifer á pönnu (50/50 engifer/hvítl), hvítlaukurinn má byrja að brúnast, henda svo brokkolí á og hræra grimmt. Salta og pipra eftir smekk. Algjör snilld sem meðlæti með mat, og svakalega hollt og gott.