Sumartími

Við erum semsagt officially komin á sumartíma frá og með deginum í dag. Það þýðir að við erum komin 2 tímum á undan Íslandi. Alveg magnað fyrirbrigði.

Héðan er fátt að frétta, það var svona sameinginlegur hóptími hjá Janet á föstudaginn, og ég tróð upp með Hamraborginni, svona til að kynna íslenskan menningararf :) Það gekk bara glimrandi vel, ég var allavega ánægður með hvernig það gekk. Í gær var að mestu rólegur dagur, ég sat í tölvunni og drakk bjór á meðan frúin á heimilinu fór eins og stromsveipur um heimilið og tók til og gerði það sem þurfti að gera. Ss fínn og rólegur dagur. Það styttist í yfirlýst heilsuátak, og ég er á báðum áttun, þar sem ég einfaldlega NENNI ÞESSU EKKI!!! EN ég verð, ég finn það mjög vel, það er ekki gott að vakna á sama stað og vinna á samastað og maður vaknar, og fara aldrei neitt út. Þannig að þetta er líka geðheilbrigðismál. Og nú þegar sumartíminn er kominn þarf þetta ekki að hafa áhrif á vinnuna heima, þar sem ég get vaknað hér kl 9 og farið í ræktina, en samt verið kominn í vinnuna kl 8 að íslenskum, þetta er bara algjör snilld. :)

Fékk eitthvað bréf frá Þýsku Orkuveitunni Vattenfall, sem ég hef ekki hugmynd um hvað þýðir, þannig að ég skannaði það og sendi Janet til yfirlestrar, það er óþolandi að fá svona bréf hérna, maður gæti allt eins verið að fá útburðartilkynningu, og maður hefði ekki hugmynd um það.

Úfff jæja, það er spurning hvað maður gerir af sér í dag, hugmyndin sem ég vaknaði með í morgun var að klára bjórinn sem ég á og spila tölvuleiki, þar sem á morgun er slíkt komið í tímabundna pásu. Veðrið er súperfínt, mjög hlýtt en sólarlaust, ætli maður píni sig ekki út í göngutúr með frúnni á eftir.

Bis später

VIDEÓ og MYNDIR

HÉR (videó)
&
HÉR (myndir)

Komin heim

Ég ætla ekki að skrifa mikið meira en ég hef þegar gert um þessa stóru páskaferð, heldur ætla ég að leyfa myndum og léttu vídeói frá ferðinni að tala sínu máli.

En ef ég dreg saman, þá var þetta svona, lögðum af stað frá Berlín um 14 á fimmtudaginn síðasta, keyrðum úr ágætis veðri inn í rigningu og snjókomu. Þegar komið var til Bayreuth, var létt skoðunarferð farin um svæðið, en ég var einmitt þarna síðasta sumar. Það verður að segjast eins og er að bærinn er ekki eins sjarmerandi í rigningu og þungskýjuðu. Svo var brunað í leiðinda veðri sem leið lá til Austurríkis og þaðan til Lichtenstein, þar var þó komið fínasta veður og heiðskýrt, nema það var auðvitað myrkur, og var auðsýnt að þarna var fallegt. Við gistum eina nótt í fínasta fjallahóteli í höfuðborginni Vaduz. En svo var vaknað um 10 í talsverðri snjókomu, við keyrðum þá af stað í snjókomunni sem leið lá um Alpana að Ítalíu, þar sem við brunuðum áfram í öllu betra veðri alveg til Monte Carlo í Monaco, þar var brjálað rok og þjónar ríkafólksins þurftu að hafa sig alla við við að festa þyrlurnar á snekkjunum sem þarna voru. Við rölltum aðeins um bæinn fengum okkur Pizzu og keyrðum svo til Nice, þar sem við gistum á hóteli eina nótt. Daginn eftir vöknuðum við í 17 stiga hita, og keyrðum til Cannes, þar sem við eyddum deginum og gerðum vel við okkur í mat og drykk. Þar var svo gist áður en lagt var íann heim á leið. Við ætlðum að skoða eitthvað svaka flott gljúfur, sem fannst aldrei þrátt fyrir tækið góða, og þrátt fyrir að það er um 21 km á lengd!!! Og því var þetta um 2 tíma útúrdúr á frönskum sveitavegum upp og niður sikk sakk og rugl.......ekkert voðalega gaman. Þarna sáum við þó Lavender akra út um allt, það var nokkuð magnað. Svo keyrðum við í fínu veðri til Grenoble, Lyon og svo loks Dijon þar sem við gistum síðustu nóttina okkar áður en haldið var heim. Borðum á einhverjum stað þarna sem var voða skrítinn, þar var margt sniðugt svosem eins og ostabræðslutæki :)

Nú það var ekki breytt útaf venjunni, þegar við vöknuðum var allt orðið snjóhvítt, og við lögðum af stað kl 7:30 um morguninn til að vera nú komin einhverntíma heim. Við keyrðum næstu 3 tímana í snjókomu og slabbi, sem er ekki gaman, ef það hefur ekki komið fram áður :) Þegar við komum inn í Þýskaland aftur fór að létta til og hraðinn að aukast umtalsvert á þjóðvegunum. Í frakklandi er nefnilega mesta samansafn af hraðamyndavélum og hraðaeftirliti sem ég hef séð, fólk keyrir þar alveg nákvæmlega eftir skiltunum, en um leið om maður datt í landið okkar góða, virtust skiltin bara vera formsatriði. En það má segja að meðalhraðinn í Frakklandi hafi verið um 80-90 km klst en í þýskalandi um 130-170 km klst, það er nokkuð mikill munur, enda vorum við um 4-5 tíma að keyra frá landamærunum Luxemburg/Þýskaland/Frakkland til Berlínar. Hingað komum við svo í rosalega fínu veðri, 7 stiga hita og fíneríi.

Nú svo í dag fór ég að skila bílaleigubílnum, en ekki fyrr en við höfðum nýtt hann til að versla í matinn. Svo fór bara að snjóa hérna í dag, og þegar þetta er skrifað, er nýbúið að kyngja niður snjó. Veðurútlit er þó bara nokkuð gott og virðist vera sem stöðugt hækkandi hiti sé í kortunum.

Þetta endaði á því að vera mun lengri texti en ég ætlaði mér. Þið sleppið því þá bara að lesa hann ef þið nennið því ekki :) ha ha ha ha

Mjög bráðlega koma svo nýjar myndir og sjóðheitt vídeó :)

Nice og Monaco. Franska Rívíeran.

Þá erum við komin til Nice í Frakklandi. Lögðum af stað í heljarinnar snjókomu frá Lichtenstein, því skal ekki neitað að tilhlökkunin var búin að vera mikil að vakna á þeim stað og drekka í sig fjallasýn sem við sáum aðeins lítillega í myrkrinu þegar við komum til Vaduz. En í staðin fengum við þó mjög fallegt veður, en það var bara ekkert skyggni. Við tók svo löng keyrsla um Alpana, þar sem við vorum í mokandi snjó og slabbi, þangaðtil allt í einu við fórum í gegnum 1.km löng göng, og komum út hinumegin á þurran og auðan veg, og ekki snjókorn í augsýn neinstaðar. Þetta var án efa eitt það skrýtnasta sem ég hef upplifað lengi. Eftir a hafa ekið á ofsaferð í gegnum hundruði ganga(sem var voða gaman fyrstu 3-4 skiptin), komum við loks að landamærum Ítalíu, þar sem við þurftum ekkert að sýna eitt eða neitt, bara keyrðum í gegn. Í ölpunum var hitastig um frostmark. Eftir að við vorum búin að keyra í Ítalíu um klukkustund var hitinn orðinn 10-12°C oeg eftir annan klukkutíma vorum við komin í 15,5. Sem var mikið tilhlökkunarefni, því það bara á að vera einhversstaðar gott veður. Þegar nær dró sjónum fór svo að kólna aftur og við tóku göng eftir göng eftir göng, og allt eins, þetta var svipað eins og keyra Húnavatnssýslurnar.

Þegar við komum til Monaco var klukkan orðin rúmlega fjögur, og við keyrðum sem leið lág niður að höfninni, þar sem við sáum alveg svakalegar snekkjur. Ein var meira að segja það svakalega að þar var þyrla!!! Veðrið var þvímiður ekkert spes, mjög hvasst og sólarlaust og 12 stiga hiti. Við gengum aðeins um, en vegna þess að það var föstudagurinn langi, var flesta allt lokað. Fengum okkur svo helvíti góða pizzu og héldum upp á hótelið okkar sem er í bænum "Beaulieu sur Mer" mitt á milli Nice og Monaco (c.a 8 km frá Monaco.)

Næst er ferðinni heitið til Cannes (um 30 mín akstur), þar sem við munum gista eina nótt, eftir að hafa skoðað okkur um. Veðrið í dag lítur vel út og er spáð skýlausum himni, 15 stiga hita og þvímiður talsverðum vindi í dag. En við látum það ekki á okkur fá. Svo er planið að byrja að keyra heim á leið á sunnudag, en þá í gegnum Frakkland, sem leið liggur gegnum Lyon, Dijon og Nancy, þaðan svo beint yfir til Þýskalands.

....meira síðar.

Þegar maður kemst í netsamband

Erum komin til Lichtenstein, eftir langa keyrslu í mesta hraðakstri sem ég hef á æfinni lent í, GPS tækið segir mér að við höfum mest farið mest í 170km/klst, en það virðist vera svona í lægri kantinum, þar sem fólk tók fram úr mér villevæk. Keyrðum í allskyns veðrum meðalannars snjóstormi og sól og rigningu og roki, og hvað eina. Hér í Vaduz var 18 stiga hiti fyrir viku síðan var okkur sagt af hótelgaurnum sem tók á móti okkur. Nú er bara snjór og læti, snjóa á í nótt og ég veit ekki hvað. Hér verða sko teknar myndir á morgun áður en haldið verður til Mónakó eða Mílanó, verst að ég tók ekki USB (UBS) snúru með til að setja inn myndir núna :)

Aællvega nenni ekki að blogga meir, bis später.

Sögulegir hlutir hafa gerst frá síðasta bloggi:

Evran hefur aldrei í sögunni lækkað úr 123 í 122, en það hefur gerst, og því um merk tíðindi að ræða.

Stutta bloggið mitt í dag er til að segja frá því að nú verður tekin lengsta bloggpása sem sögur fara af síðan ég kom hingað til Berlínar, þar sem ég og frú erum að fara leggja í langa bílferð um víðlendur meginlands evrópu. Ekki verður því punktum varpað á skjá fyrr en þriðjudag/miðvikudag næstu viku.

Söngur virðist vera að taka við sér aftur og mér gekk bara nokkuð vel í síðasta tíma sem var í gær. Eftir tíma fórum við 3 strákar frá Íslandi í dinner á Ítölskum stað rétt hjá Janet, voða gott, ég fékk mér svínamedallíur í mildri sinnepssósu og capers, helvíti gott að skola því svo niður með svosem eins og tveimur glösum af úrvals Chianti beint frá Ítalíu.

Jæja, þá er að leggja af stað..............

Hvað er söguleg hæð? 123,12 ?

Ég talað í dag við menn sem sjá um tryggingamiðlun á Íslandi, og hef ég tekið þá ákvörðun að koma þeim peningum og verðmætum sem ég á á íslandi undan eitthvað annað. Það á vist að vera voða sniðugt að fjárfesta núna, þar sem flestir sjóðir eru að jafna sig og á uppleið eftir langa niðurlegu. Ég hugsa sem svo að það getur varla verið verri að láta peningana rotna á Íslandi en einhversstaðar annarsstaðar. Einhverjir myndu eflaust segja við þessu að ástandið sé ekkert skárra annarsstaðar, því allt er á niðurleið allsstaðar, það er kannski rétt, en maður verður svosem að hofa á það að sumstaðar eru sterkari bakhjarlar en heima á Íslandi.

Hér lagast veðrið ekki mikið og útlit er fyrir að hvert sem við förum í páskafrí verði leiðinda rigning og kuldi...... Það er alveg ótrúlegt hvernig hlutirnir haldast í hendur við við að gera manni lífið leitt, en við látum það bara vera gaman, og erum jafnvel að hugsa um að keyra til Parísar í staðinn, þar sem þar virðist ætla að vera skynsamlegra veður, ekki veit ég hversu skemmtilegt er að keyra þar, en maður þarf ekki alltaf að hugsa um það :)

Ný uppskrift er væntanlega í Matarhornið, en það er Hunangssinnepsgljáður hnetu....æ þar er ekki til neitt á íslensku sem er "peanutcrusted"allavega þannig er það nú, með salati. Einföld uppskrift ef uppskrift má kalla. Meira síðar.



En það styttist óðum í sumarið sem kemur með allri sinni gleði og ég hlakka mikið til að