In the Görlitz

Jæja þá er bara áframhald á sumrinu, og við littla familíjan komin á framtíðar heimilið. Reyndar erum við hérna í örstuttu stoppi. Erum búin að flytja svona 1/10 af dótinu okkar :) Leigði sérstaklega stationbíl til verksins, og tók þann ódýrasta til að spara :) Það kom svo á daginn þegar ég ætlaði að sækja bílinn, að engin bíll var til í þeim flokki sem ég hafði pantað. Þau buðu mér svakalegan BMW limmó, sem var svakalega flottur. En sökum plássleysis þurfti ég að afþakka og ítreka fyrri beiðni. Það varð svo úr að bíll fannst á annari SIXT leigu við KuDamm. Ég þurfti þvímur að sætta mig við að fá dýrasta stationbíl sem völ var á, eða Mercedes E-Class T :) Sjálfskiptur, allt rafstillt, cruise control og auðvitað fínt pláss. Flutingar gengu vel og við komumst í litzið um 2 og hálfum tíma eftir brottför. Erum núna á ágætis gistiheimili í boðui óperunnar, en þetta er á 3 hæð í alt-bau, sem samsvarar um 6.hæð í nútímabyggðum húsum, og auðvitað er engin lyfta. Það er því afar mikilvægt að klikka ekki á því sem taka á með ef fara á útur húsi :)

Ég er byrjaður að æfa fyrir leðurblökuna, og eins og ég komst að í dag, þá á ég líka að vera á æfingum fyrir My Fair Lady, sem ég var afar ósáttur því því ég er ekki að fá borgað fyrir þær æfingar, ég hafði því samband við umboðsmanninn sem reddaði því strax að ég fengi borgað, sem er þá afar gott :) Á morgun er svo síðasta sýning af Miljónamærinni, og eftir það er húsið farið í sumarfrí, nema hvað að æfingar halda áfram fyrir næsta leikár, fram til 17.júní. Þá kemur tengdó í heimsókn og nóg að gerast þá vikuna. Svo fer hópurinn(mínus ég) heim til Íslands í 2 vikur og ég hef þá tækifæri til að leggja 120% í lærdóm, sem er alltaf gott.

Í dag og í gær hefur verið kæfandi hiti hérna í saxlandi, og ég held bara öllu þýskalandi!! Við vorum að flytja í gær og keyrðum bílinn inn í port sem tilheyrir okkar byggingu, þar sýndir hitamælirinn í bílnum 38.5°C og maður fann það nokkuð vel. Okkur líst bara vel á íbúðina, þó það líti út fyrir að upp muni koma skipulagsleg vandamál, þar sem þetta er ekki alveg klippt og skorið eins og við héldum :) En það á væntanlega eftir að rétta sig af eins og alltaf.

Fórum í dag í göngutúr, og heimsóttum meðal annars afar flottan dýragarð, sem er starfræktur hérna í Görlitz, og það verður að segjast eins og er að ég átti ekki von á því að þetta væri svona flott, og kostar svosem ekki mikið. Enduðum daginn á brugghúsi við ánna Neisse, sem virkar einnig sem landamæri Póllands og þýskalands. Nokkrar myndir voru teknar í ferðinni, sem verða birtar síðar en ég hendi hérna inn einni af okkur feðginunum í góðu stuði :)

Sumarið er loksins komið.......allavega í bili.

Síðan síðast, þá hefur það gerst að sumarið gekk í garð, og ekki seinna vænna. Í gær og í dag höfum við fengið að njóta hitastigs sem er vel yfir 20 gráðum, og í dag skreið mælirinn í rúm 31 hérna á svölunum. Það varð því úr að við gátum notað skítódýru útisundlaugina sem við .keyptum handa ungfrúnni fyrir einhverju síðan, þegar við héldum að sumarið væri að koma :)

Sú litla hefur verið merkilega pirruð undanfarna daga og er erfitt að festa hönd á hverju um kennir, en líklegast er að þetta sé einhver blanda af veikindum, persónulegum þroska og svefnleysi. Hverju sem um er að kenna, þá væri afar ljúft að þessu færi að ljúka, þar sem þetta er afar þreytandi. Orðaforði og málnotkunarhæfileikar gera æ meira vart við sig og það er afar gaman að verða vitni að því. Það eru samt einhverjir hljóðmyndurþættir sem eftir eiga að smella í gang, en ég á nú von á því að svoleiðis sé það nú bara almennt.

Ég er á leið til Görlitz enn eina ferðina, bæði til að sýna síðustu sýningu af "Der besuch der alten Dame" og svo til að taka þátt í 6 daga æfingaferly fyrir Leðurblökuna, sem ég mun taka þátt í næsta árið þarna. Maður fær nánast ekkert borgað fyrir þetta og það er eiginlega sorglegt að láta sig hafa það, en sem áður þá verður maður að líta á það að hver einasta evra í vasann er þvímiður nauðsynlega eins og sakir standa.

Hér í hitanum hefur greinilega verið ákveðið að skrúfa fyrir heita vatnið, því við höfum ekki fengið neitt heitt vatn hérna inn í 2 daga!! Þetta var líka alltaf að gerast síðasta sumar en pirraði kannski ekki svo mikið. Maður hefur því brugðið á það ráð að fara ekki í sturtu og til að vaska upp hefur maður einfaldlega bara soðið vatn í potti og helt í vaskinn :) Maður kann að bjarga sér:)

Ég kveð ykkur að sinni með myndum frá sumrinu hérna á svölunum :)

Fyrsti Júní, tími breytinga

Í dag hófst mikið aðhald í fjármálum, þar sem allir sjóðir eru svo gott sem búnir!! Þetta er afar óþægileg tilfinning, því peningarnir eru til, bara ekki ákkúrat núna :) Það hefur því verið sett upp stíft plan í neyslu, og það byrjar þannig að við höfum skammtað okkur 100 Evrur á viku í mat handa fjölskyldunni, það ætti nú að ganga ágætlega fyrir sig. En svo hefur verið skammtað 50 Evrum á mann til að endast út mánuðinn. Fyrir það má versla sér áfengi, kebab, föt eða hvað sem hugurinn kann að girnast. Verði svo afgangur af þessu veltur hann í sparnað :) Það er afar leiðinlegt að hugsa um þetta, en nú er bara svo komið að þetta verður að gerast. Við eigum hérna tvo erfiða mánuði fyrir höndum, en aðallega eru það mánaðrmótin Júní-Júlí, en þá þurfum við að borga leigu fyrir tvær íbúðir auk hálfs tryggingargjalds sem er um 1700 Evru, en launin verða um 600!! Þannig að það eru skrítnir mánuðir framundan. Júlí-Ágúst gæti svo hugsanlega reddast :) En nóg af svona leiðindamálum og að öðrum.

Maður finnur ekki mikið fyrir úrslitum Júróvisjón hérna í þýskalandi, en maður þó hefur fengið að heyra frá nokkrum kollegum að þeir hafi gefið Íslandi sitt atkvæði. Skiptir mig svosem engu máli en alltaf gaman að heyra.

Hér er ískallt ennþá en það gæti farið að hlýna um komandi helgi. Þetta er, eins og líklega hefur áður komið fram, alveg ömurlegt!!

Síðustu helgi var ég í Görlitz því þar voru tvær sýningar, það gekk alltsaman bara ágætlega. Það hefur ekki farið framhjá lesendum þessa bloggs að ég skarta þar afar flottri "grímu", en nú er svo komið að húðin á mér hefur sagt nei við notkun svo áreitandi efna. En skallahettan er límd á þannig að byrjað er að hreinsa húðina með spritti, svo er sett lím á húðina til að halda grímunni. Éf þjáist því núna af ljótum rauðum blettum og miklum þurrki á húðinni, en er held ég, loksins búinn að fá rétta kremið við þessu, leikhúsið borgar það fyrir mig, og það er bara lítið mál, sem betur fer. En þetta er hræðilegt, því þetta tekur alveg um viku að hverfa og er verulega óþægilegt. Ég er svo bara á fullu við að undirbúa tvenna tónleika í sumar, sem hafa gífurlegt vægi fyrir mig sem söngvara, þó þeirborgi vissulega lítið. En maður er alltaf í þessum sporum sem byrjandi, að "láta sig bara hafa það".

Hér hefur einnig verið gestkvæmt síðustu vikuna, fyrst fengum við Systu frá Úthlíð í heimsókn sem stoppaði þó stutt, og þvínæst þær mæðgur Álfrúnu og Dagnýu frænkur Soffíu. Álfrún er á 3 mánuðum yngri en Júlía og náðu þær afar vel saman, og merkilega skemmtilegt að sjá þær leika sér.

Í lokin er svo ein létt "gangsta" mynd af ungfrúnni.

Malli mall

Hér er allt með rólegheitum. Veðrið er skelfilegt, það er reyndar hlýtt, en ömurlega skýjað og maður er í svona hálfgerðu þunglyndi af ljósleysi. Það er ekki útlit fyrir að þetta eigi eitthvað eftir að skána á næstu dögum, sem er alveg svakalega ömurlegt. EN það þýðir ekkert að væla yfir þessu.

Hér styttist í Eurovision, en ég verð einmitt staddur í Görlitz að sýna þessa helgina, þó ekki á Laugardeginum, heldur sitthvorumegin við. Laugardagurinn er frídagur, og ég veit sveimér ekki hvað ég geri af mér þá. Það barst reyndar boð í grillpartý hjá kollega á laugardeginum kl 16. Aldrei að vita nema maður finni eitthvað Eurovision party í Görlitz :)

Ekki hafa birst neinir dómar um mína frammistöðu sem "The Butler", það hafa þó birtst dómar um aðra í stykkinu og eru þeir auðvitað allir jákvæðir. Ég vona bara að maður fái að sýna sig og sanna áður en tveggja ára samningurinn rennur út.

Ég fylgist auðvitað með kosningum á Íslandi og verð að segja þetta, Ólafur F. Magnússon er ótrúleg mannvera, ég sá í gær eð fyrradag frétt um að hann hafi verið ósáttur við myndirnar sem fjölmiðlar nota af honum í fréttum!! :) Svo fylgir með myndin sem hann vill að sé notuð í staðin. Það sem mér finnst fyndið við það er að bolurinn er blár með hvítum röndum, og það sem kórónaði svo ruglið er að í fréttum í kvöld er Ólafur í saman bolnum að ganga í hús og dreif bæklingunum sínum:) Æji það er bara eitthvað fyndið við þetta. Og almennt að sjá hvað fólk lýgur og reynir að segja það sem kjósendur vilja heyra, mér finnst þetta bara barnalegt að mannkynið sé enn að standa í þessu rugli. Er ekkert skárra til, í alvöru?

Júlía vex og vex, ég smellti mynd af henni í kvöld þar sem hún var að hendast í bað, og stendur í sömu stöðu og fyrir 6-7 mánuðum síðan. Skemmtilegt að sjá þetta þó það sé svona stuttur tímakvarði.

Júlía í máli og myndum og vídeói

Þá er komið inn NÝTT sjóðandi heitt Júlíuvídeó og fullt fullt af myndum.

Google er búið að loka fyrir að maður geti á einfaldan hátt sett inn videó beint á bloggið, þannig að þið smellið bara á linkinn til að skoða :)

"Narcissus hittir sjálfan sig"

Frumsýning gekk vel

Þá er ég loksins kominn heim í lengri tíma. Það er gott að geta verið heima hjá sér innanum dótið sitt og fólkið sitt. Sú littla veit aldrei hvernig hún á að haga sér þegar ég er að koma heim eftir langan tíma og snýst það oft út í fíflalæti og mikla gleði, sem er vissulega gaman að sjá.

Gunnar koma á frumsýninguna hjá mér og tók upp hljóð á meðan, sýnir svosem ekkert hvernig þetta hljómaði í raun og veru en gefur ágætis mynd. Hann leigði svakalegan bens til að koma hingað, nýrri gerðina af þeim sem við fórum á í sumarfíið í fyrrasumar. Og ég fékk að fljóta með honum til baka til Berlínar. Næsta sýning er svo á laugardaginn kemur.

Ég fór á fund í gær vegna góðgerðartónleika sem ég er að fara syngja á með þýsku sópransöngkonunni Barböru Krieger, en hún hefur einmitt sungið með mörgum af stærstu nöfnum heims, og er það því mikill heiður að fá að gera þetta með henni. Afar viðkunnanleg kona og ég hlakka til að syngja með henni. Góðgerðartónleikarnir eru vegna Gedächtniskirkjunnar hérna í Berlín sem er mörgum túristanum kunn, þar sem aðeins stendur einn turn eftir og restin að hruni komin, þessir tónleikar eru liður í að þakka styrkjendum fyrir og safna meira í leiðinni. Þetta er ágætis upphitun fyrir stórtónleikana í sumar :)

Að vera kominn heim til sín hefur þá kosti að maður getur leyft sér meira í mat og drykk. Hérna hjá okkur var spargel á mánudag og úr spargel afgöngunum gerði ég svo hvítvíns og rjómalagaða spargel súpu frá grunni, og ég get ekki sagt annað en að vel hafi tekist til. Þetta var nú bara eins og á besta veitingastað, nema ég veit að í þetta var ekki notað neitt duft og aðeins úrvalshráefni.

Ég veit reyndar ekki enn hvað verður í matinn í kvöld, en það á eftir að koma í ljós hvort það verði einhver ævintýramennska :)

Nú er hafinn undirbúningur að flutningum sem við höfum fest á dagsetninguna 18.Júlí. Fórum í gær í Bauhaus til að versla málningardót, málningu og svona holufyllingar spartl. Fólkið sem hefur búið á undan okkur hérna taldi sig vera afar gáfað þegar þau löguðu ljótar sprungur í baðkarinu með málningu sem ég þreyf af núna rétt áðan með acetone, baðið lítur í raun mikið betur út núna eftir skítavinnubrögðin hafa verið þrifin burt. Við erum líka búin að prufa loft og veggjamálninguna sem við keyptum og hún hverfur algerlega inn í það sem er fyrir, þannig að það er ótrúlegur léttir. Tónleikarnir mínir eru Föstudaginn 16.Júlí, og planið er að flytja tveimur dögum seinna, en þá verða einmitt þau gömlu í heimsókn og geta þá kannski tekið einn og einn geisladisk.

Við erum semsagt komin með undirritaðan leigusamning í hendurnar, og leigjandinn er svo indæll að hann hefur boðið okkur að fá lyklana mánuði fyrir innflutningsdag, bara ef við viljum flytja þetta í nokkrum ferðum, sem er frábært.

Ég er að reyna að koma mér í að læra allt sem ég þarf að læra fyrir næsta season í Görlitz, auk tónleikanna tveggja í sumar. Það er afar gaman að vanda að sitja og reyna að læra texta.....minnir mig alltaf á þegar ég var að reyna læra ljóð úr Ljóðaspegli hjá Stebba Bö í grunnskóla í gamladaga, það var ekki gaman og ekki auðvelt. Það ætti að vera eitt af sterku þáttunum hjá söngvara að vera snöggur að læra..........spurning hvort það komi með hækkandi aldri??

Sumarið hér lætur heldur betur á sér kræla, hér er skítkallt og maður þarf að klæða sig vel ef maður ætlar út, þykka peysu og létta vetlinga!! Ótrúlegur andskoti! En svona er þetta, í kortunum eru einhver hlýindi og það er vonandi að það haldist.

Þangað til næst, fyrir frelsara vorn Jesus Christ.

OG að sjálfsögðu eru komnar inn nokkrar myndir af ungfrúnni í albúmið hennar

Milljónamærin snýr aftur

Þá er æfingum lokið fyrir óperuna "Der Besuch der Alten Dame", frumsýning er á morgun og í dag er hvíldardagur. Það er skítarigning hérna eins og er, og mjög kalt. Alveg merkilega óþolandi hvernig veðrið er búið að vera hérna síðust daga.

Ég ætlaði nú bara að henda inn nokkrum skemmtilegum myndum frá síðustu dögum og læt það duga í bili:

Viðtal við okkur tvo nýliðana í Görlitz birtist í dag í Sächsische Zeitung

Ég í hlutverki mínu sem þjónninn að tilkynna Illuga 40 ára gamla nauðgunarkæru :)

Brosmynd í gerfinu fyrir Skúla :)

Plakatið