Helgin sem var.......

Jahá, þá er langri helgi lokið, á miðvikudaginn komu foreldrarnir ásamt yngstu systkinum í heimsókn. Dagurinn hófst á því að fara út á Tempelhof Flugvöll að ná í bílinn, sem var hvorki meira né minna en Renault Espace, fínasti bíll og nokkuð kraftmikill. Ég keyrði Soffíu í skólann og fór svo beint á Tegel til að sækja fólkið, einhver seinkun var á flugi, þannig að ég keypti mér hálfan líter af vatni á 300 kall og m&m poka á 200 meðan ég var að bíða. Merkilegt hvað það er sem veldur því að verðlagið sé svona á flugvöllum!!!! það er allavega ekki skortur á viðskiptum sem skapar hátt vöruverð. Þetta er bara einhverskonar rugl efnahagssvæði, sem er svosem ekki nýtt, fyrir mér allavega.

Nú við byrjuðum helgina á að fara í Kurfürstenstr og borða smávegis góðgæti sem Soffía mín var búinn að útbúa fyrir þreytta gesti. Famílían átti góða stund saman hérna í 2-3 tíma, áður en ákveðið var að fara í smá bíltúr á Potsdammer Platz að skoða sig um. Eftir túrinn var farið að borða á Cancún, og það var sem fyrr nokkuð fínn matur. Daginn eftir var sofið út, eða alveg til kl 9:30, ég vaknaði þó rétt fyrir kl 8 til að vinna. Svo var haldið áleiðis niður að Beliner Dom, þar sem hún var skoðuð í bak og fyrir, eftir að tókst að finna bílastæði á skikkanlegu verði. Gengið var upp "Unter den Linden" sem er líklegast ein þekktasta gatan hérna um þessar mundir, stoppað var stuttlega í mat á "Cafe Via Nova" á Universitäts Strasse, þangað kíkti Hilmar Örn að hitta okkur. Við gengum svo öll saman upp að Brandenborgarhliðinu, þar sem Hilmar sýndi okkur "Raum der Stille" herbergið sem er einmitt í hliðinu sjálfu, mjög magnað að koma þangað.

Nú svo yfirgaf Hilmar okkur og við skelltum okkur í parísarhjólið sem búið er að setja upp nálægt Potsdammer Platz, sjá má skemmtilegt vídeó af þeirri för hérna :). Þvínæst var haldið í Alexa, verslunarmiðstöðina, þar sem fólk missti sig í innkaupum :) Eftir það var svo farið á frábæran steikarstað, sem er mjög þekktur og virtur hér í Berlín, "Block House". Daginn eftir var svo haldið á Kurfürstendamm, sem er ein aðal verslunargatan hérna, og er rétt við dýragarðinn. Þar fór kvenfólkið í fatabúðir og við strákarnir skelltum okkur í 6 hæða raftækjabúðina sem er svosem ekki í frásögu færandi. En þetta var stórskemmtilegt allt saman. Við hittum svo Hilmar og Andra son hans þegar við vorum að klára og keyrðum saman heim í kurfürsten, þar sem fólk fékk smá fordrykk áðurn en haldið var á "Buffalo steikhús", þar var borðað og rætt lífisins vandamál. Svo skildu leiðir og Hilmar og Andri héldu heim á leið á meðan við familían röltum okkur heim á Kurfürstenstr, þar sem fólk datt í svosem eins og eina rauða fyrir svefninn. Veðrið var bara held ég eins og best verður á kosið fyrir svona árstíma, og voru þau heppin að lenda ekki í roki og rigningu sem var komin í gang þegar ég skutlaði þeim á flugvöllin. Allt í allt frábær helgi og skemmtilegar stundir.

Nýjar myndir komnar hér til vinstri og meira síðar héðan frá Berlín.