Þá eru komnar inn fullt af nýjum myndum frá Októbermánuði inn á myndasvæðið hennar Júlíu. Hún svíkur ekki áhorfendur frekar en fyrri daginn. Ungfrúin er mikið farin að herma eftir okkur núna og það er alveg ótrúlegt hvað henni dettur í hug að gera. Hún hóstar t.d alltaf ef við hnerrum eða hóstum, og hristir alltaf hausinn ef við gerum það. Hún er líka farin að dansa án þess að halda sér í þegar einhver "spennandi" tónlist er spiluð.
Í öðrum fréttum er það að hér er fyrir alvöru komið haust núna og laufin nánast horfin af flestum trjám. Við eigum svo pantaðan bíl til að heimsækja Ásgeir Pál og frú í Halle aðra helgina í Nóvember, auk þess sem fyrirsöngur er í pípunum.
Stutt að þessu sinni, við ljúkum fréttatímanum með róandi mynd af ungfrúnni.
Engin ummæli:
Skrifa ummæli